«MEDPAGETODAY».- Քոնեքթիքութ նահանգի Նիւ Հեվըն քաղաքին մէջ Չորեքշաբթի օրը յայտարարուեցաւ, որ ձեռքի ախտահանման բազմաթիւ ապրանքանիշերու քանի մը խմբաքանակներուն (batches) մէջ յայտնաբերուած է մարդկային յայտնի քաղցկեղածին (carcinogen) Պենզէնը:
Valisure- ը FDA-ին (Food and Drug Administration) ներկայացուց քաղաքացիական խնդրագիր մը՝ խնդրելով գործակալութէնէն անյապաղ վերստին կանչել ազդուած խմբաքանակները եւ թարմացնել ուղեցոյցը (guideline) ՝ պենզէնի ազդեցութեան սահմանը ներառելու համար:
FDA-ը ախտահանիչները կը կարգաւորէ որպէս դեղորայքային արտադրանք (pharmaceutical product):

«Պենզէնի եւ բազմաթիւ այլ աղտնիւթերու (contaminant) առկայութիւնը SARS-CoV-2 ժահրը կանխող, մեծահասակներու եւ երեխաներու կողմէ լայնօրէն գործածուած արտադրանքներուն մէջ, այս բացայայտումները կը դարձնեն անհանգստացնող», – գրուած է խնդրագրին մէջ:

Պենզէնը մարկային մարմինը կրնայ վնասել ներշնչման,մաշկի եւ աչքով շփումի միջոցաւ:

Valisure– ը, որ հիմնադրուած է 2015-ին ՝ իր կողմէ վաճառուող դեղերը ինքնուրոյն փորձարկելու նախադրեալով, նշած է, որ FDA-ը յայտարարած է, որ պենզէնը պէտք չէ օգտագործուի դեղորայքային արտադրանքներուն մէջ ՝ իր թունաւորութեան պատճառով: (Պենզէնը լայնօրէն օգտագործուող արդիւնաբերական լուծիչ է (solvent), ան առկայ է տարբեր նիւթերու մէջ, ինչպէս վառելանիւթը, ծխախոտի ծուխը եւ անտառային հրդեհները, ինչպէս նաեւ կը հանդիսանայ այլ քիմիական նիւթերու սկզբնական նիւթը (raw material) ):

Այնուամենայնիւ, ներկայիս հանրային առողջութեան արտակարգ իրավիճակներու ընթացքին FDA-ը սահմանած է պենզէնի միջին սահմանը՝ 2 մաս մէկ միլիոնէն (2ppm) ձեռքի ախտահանիչներուն մէջ:

Valisure- ը նշեց, որ իր կողմէ փորձարկուած ձեռքի ախտահանման խմբաքանակներու մեծ մասը անցած է FDA-ի որոշած սահմանը:

Ընկերութիւնը, իր քաղաքացիի միջնորդագրի համաձայն, վերլուծած է ձեռքի ախտահանման 260 խմբաքանակ 168 ապրանքանիշերէ: Այդ խմբաքանակներէն 44-ը կամ 17%-ը պարունակած են պենզէն 0,1 ppm 21 խմբաքանակ (8%) պարունակած էին պենզէն 2 ppm միջանկեալ սահմանէց բարձր: Յայտնաբերված պենզէնի ամենաբարձր մակարդակը 16.1 ppm է ՝ սահմանի ութապատիկէն աւելին:

Անգլերէնէ թարգմանեց Քրիստ Խրոյեան