Հայաստանի Հանրապետութեան նախագահին աշխատակազմի հասարակայնութեան հետ կապերու վարչութենէն տեղեկացուցին, որ Հայաստանի Հանրապետութեան նախագահ Արմէն Սարգսեան եւ տիկին Նունէ Սարգսեան ցաւակցած են ՆՍՕՏՏ Արամ Ա. Մեծի Տանն Կիլիկիոյ Կաթողիկոսին` մօր` Լուսին Քեշիշեանի մահուան առիթով:
Ցաւակցական հեռագիրին մէջ ըսուած է.
«Վեհափառ Տէր,
Խորին ցաւ ապրեցայ` ստանալով Ձեր սիրելի մօր` մեծայարգ Լուսին Քեշիշեանին մահուան գոյժը:
Քաջատեղեակ եմ տիրամայր Լուսինին հանդէպ Ձեր որդիական ջերմ զգացմունքը:
Լաւագոյն յիշատակներ ունինք յարգարժան Լուսին մայրիկին հետ:
Ընդունեցէք, խնդրեմ, մեր եւ մեր ընտանիքի մխիթարանքի ու վշտակցութեան անկեղծ խօսքերը:
Յիշատակն արդարոց օրհնութեամբ եղիցի»: