«Երկիր».- ՀՀ Արտաքին Գործոց Նախարարութեան մամուլի խօսնակ Աննա Նաղդալեան իր դիմատետրի էջին մէջ գրած է, որ ՀՀ արտաքին գործոց նախարար Զոհրապ Մնացականեան հանդիպում ունեցած է ԵԱՀԿ Մինսքի խմբակի համանախագահներուն եւ ԵԱՀԿ գործող նախագահի անձնական ներկայացուցիչին հետ:
«ՄԱԿ-ի Գլխաւոր նստաշրջանի աշխատանքներուն մասնակցելու նպատակով աշխատանքային այցելութեամբ Նիւ Եորք գտնուող ՀՀ ԱԳ նախարար Զոհրապ Մնացականեան հանդիպում ունեցած է ԵԱՀԿ Մինսքի խմբակի համանախագահներ Իկոր Փոփովի (Ռուսաստան), Սթեֆան Վիսլոնթիի (Ֆրանսա), Էնտրու Շոֆերի (ԱՄՆ) եւ ԵԱՀԿ գործող նախագահի անձնական ներկայացուցիչ Անճէյ Քասպրչիքի հետ», գրած է Նաղդալեան:
