«Արմէնփրէս».- ՀՀ Արտաքին Գործոց նախարար Զոհրապ Մնացականեան 25 Նոյեմբերին հանդիպած է ԵԱՀԿ Խորհրդարանական Վեհաժողովի նախագահ Գէորգի Ծերեթելիի հետ:
ՀՀ Արտաքին Գործոց Նախարարութեան լրատուութեան եւ հանրային դիւանագիտութեան վարչութենէն հաղորդեցին, որ ողջունելով ԵԱՀԿ ԽՎ նախագահը` ԱԳ նախարար Մնացականեան ընդգծած է կառոյցի շրջանակներուն հետ բազմակողմանի գործակցութեան Հայաստանի յանձնառութիւնը` յայտնելով, որ այս այցելութիւնը լաւ առիթ է` ճշդելու հետագայ ծրագիրներու եւ նախաձեռնութիւններու շրջանակները:
Զրուցակիցները անդրադարձած են ՀՀ-ի մէջ իրականացուող բարեփոխումներու օրակարգին եւ ԵԱՀԿ ԽՎ-ի հետ գործակցութեան կարելիութիւններուն: