Արեւելեան աստղագուշական դրութիւնը կը նմանի արեւմտեանին: Միակ տարբերութիւնը այն է, որ արեւելեանը ունի 12 տարի, իսկ արեւմտեանը՝ 12 ամիս:
Նշանները կոչուած են կենդանիներու անուններով: Արեւելեան աստղագուշակութեան նշաններն են. առնէտը, եզը, վագրը, նապաստակը, վիշապը, օձը, ոչխարը, կապիկը, աքաղաղը, շունը եւ վարազը: Արեւելեան դրութեան հետեւելու պարագային նկատի կ’առնենք անձին ծնած տարին:
Արեւելեան աստղագուշակութեան մէջ ծննդեան պահը կարեւոր չէ, միայն ծննդեան տարին կարեւոր է: Բայց պէտք է նկատի առնել, որ ըստ արեւելեան օրացոյցին, տարին կը փոխուի ոչ թէ 1 Յունուարին, այլ՝ Ջրհոսի նորալուսինին առաջին օրը: Արեւելքցիներ, յատկապէս ճափոնցիներ, մեծ հաւատք ընծայած են այս դրութեան:
Անբախտ տարիներու ծնած աղջիկներէն շատեր չեն ամուսնացած, կարծելով որ դժբախտ պիտի ըլլան: Կարգ մը ծնողներ նոյնիսկ փոխած են իրենց դուստրերու ծննդեան թուականը անձնաթուղթերուն մէջ եւ այլն: Անոնք կը փարէին աստղերու եւ կը վախնային չար բախտէն:
2020 թուականը շատ կարեւոր է, քանի որ ան կը յիշատակուի նոր դարաշրջանին սկիզբը:
Իւրաքանչիւր տարի առանձնայատուկ է:
2020-ը Սպիտակ ԱՌՆԷՏԻ տարի է:
Առնէտը արեւելեան աստղագուշակութեան տասներկու կենդանիներուն առաջինն է:
Արեւմուտքի մէջ առնէտը ամբողջ քաղաքները դատարկող, հիւանդութիւն տարածող կը համարուի եւ անկումի խորհրդանիշն է:
Իսկ Չինաստանի մէջ այս կենդանին կը համարուի սուրբ կենդանի:
Առնէտի տարուան ընթացքին առատութիւնը կ’իշխէ: Այս տարին իր հետ յոյսեր, պատրանքներ եւ նոր կարելիութիւններ կը բերէ: Առնէտի տարուան ընթացքին տնտեսութիւնը կը ծաղկի: Տարին ընդհանրապէս խաղաղ կ’ըլլայ, պատերազմները կը դադրին:
Առնէտի կեանքին մէջ երկու գերակայ ոլորտներ կան: Առաջինը՝ ընտանիքը, որուն հանդէպ նք մեծ պատասխանատուութիւն կը կրէ, որովհետեւ առնէտը կը յատկանշուի ցեղի պահպանման նկատելի բնազդով: Միւսը՝ կեանքին մէջ մեծ ՀԵբարձունքներու հասնելու առնէտին ձգտումն է, որուն հետեւանքով կը նախատեսուի ենթակային մասնագիտական զարցացումը եւ յարաբերութիւններու բարելաւումը:
-Առնէտի տարին ծնած մանուկին դաստիարակութիւնը բարդ չ’ընթանար: Մանուկը շատ արագ կը յարմարի կեանքի բոլոր փոփոխութիւններուն:
Ան ընտանիք կազմելու եւ սիրոյ յարաբերութիւններ կրնայ հաստատել ցուլին հետ:
Վիշապին հետ նոյնպէս հիանալի լեզու կը գտնէ, անոնք զոյգ կրնան կազմել եւ միասին արդիւնաւէտ աշխատանքի կը ձեռնարկեն:
Կապիկը եւ առնէտը լաւ ընկերներ կրնան ըլլալ, որովհետեւ երկուքն ալ զարգացող միտք ունին:
Առնէտին բոլորովին անյարմար է ձին:
Վագրին ու այծին հետ առնէտը փոխհասկացողութեան չի հասնիր իր շեշտուած հետաքրքրութեան պատճառով:
Առնէտի տարիներն են՝ 1936,1948,1960,1972,1984,1996, 2008, 2020, 2032, 2044:
Առնէտի տարին պէտք չէ կապել վատ նշաններու հետ: Իրականութեան մէջ ան երջանկութեան տարի է:
Արեւելքի մէջ առնէտը հարստութեան, մաքրութեան եւ բարութեան նշան է:
Այս տարիներուն ծնողները կ’ունենան քաշողական ուժ եւ հմայք: Անոնք դիւրաւ լեզու կը գտնեն իրենց շրջապատին հետ: կ’աշխատին մինչեւ որ հասնին իրենց նպատակին եւ կալուածներ ապահովեն: Երբ գործի մը ձեռնարկեն՝ լաւը կ’ընեն եւ անկարեւոր մանրամասնութիւններով չեն զբաղիր: Դրամը խնայելու դժուարութիւն չեն ունենար, սակայն եթէ անձ մը սիրեն, մեծ գումարներ կը մսխեն անոր համար:
Առնէտի տարուան մէջ ծնած անձերը շատ շուտ կը ջղայնանան, բայց իրենց ջղայնութիւնը շուտով չեն արտայայտեր: Կրնան նեղմիտ ըլլայ, սակայն մեծ ձգտումներ կ’ունենան: Անոնք ընդհանրապէս պարզ, համեստ եւ յաջողակ անձեր կ’ըլլան, բայց կը սիրեն բամբասել:
ԻՆՉՊԷՍ ԴԻՄԱՒՈՐԵԼ 2020 ՏԱՐԻՆ
Սպիտակ առնէտի տարին անհրաժեշտ է դիմաւորել կապոյտ, կանաչ եւ ոսկեգոյն գոյներով: Այս երեք գոյները եւ իրենց երանգները տարուան ընթացքին յաջողութիւն կը բերեն:
Սպիտակ առնէտի տարուան ընթացքին կարելի է յաջողութիւններու հասնիլ՝ նոր բաներ սկսելով՝ թարմ միտքեր, գաղափարներ ունենալ եւ կեանքի կոչելով զանոնք:
Ամանորը դիմաւորելու համար.
-Մի մտածէք Ամանորը մինակ դիմաւորել
-Ճոխ սեղան պատրաստեցէք
-Երբեք մի՛ վիճիք սեղանին շուրջ
-Տօնածառը զարդարեցէք կապոյտ, կանաչ եւ ոսկեգոյն խաղալիքներով:
Եւ վերջապէս Ամանորին հագուեցէք գեղեցիկ, կանաչ զգեստ: