ԵՊՀ իրանագիտութեան ամպիոնի մասնագէտ Վարդան Ոսկանեան ֆէյսպուքեան գրառումով անդրադարձած է Արցախի հարցով իրանցի զօրավար, հրամանատար Քասեմ Սուլէյմանիի դերակատարութեան:
«Իրանական պետական «Շապաքէթ ալ խապար» («լրատուական ցանց») բազմամիլիոնանոց լսարան ունեցող կայանով իրանցի փորձագէտը խօսած է արցախեան հարցին մէջ իրանցի զօրավար, հրամանատար Քասեմ Սուլէյմանիի դերակատարութեան մասին:
Ըստ անոր, Սուլէյմանիի մօտեցումը եղած է Իրանի շահերէն բխող եւ հայկական կողմին յօգուտ մօտեցում, որովհետեւ վտանգ կար, որ «մայր ցամաքային» Ատրպէյճանը ցամաքային կապով միանար Նախիջեւանին եւ ստեղծէր փանթուրքական շղթայ», գրած է ան:
