ՊՈԼՍՈՅ ՀԱՅՈՑ ՆՈՐ ՊԱՏՐԻԱՐՔԻ ԳԱՀԱԿԱԼՈՒԹԵԱՆ ԱՐԱՐՈՂՈՒԹԻՒՆԸ ՏԵՂԻ ՈՒՆԵՑԱՒ

0

Կ. Պոլսոյ Հայոց Պատրիարքութեան աթոռանիստ սուրբ Մարիամ Աստուածածին եկեղեցւոյ մէջ 11 Դեկտեմբերին տեղի ունեցած է ընտրուած Պոլսոյ նոր Հայոց պատրիարք Սահակ Երկրորդի (Սահակ Մաշալեանի) գահակալութեան արարողութիւնը:
Գահակալման արարողութեան մասնակցած են Ամենայն Հայոց ու Մեծի Տանն Կիլիկիոյ կաթողիկոսութիւններու եւ Երուսաղեմի հայոց պատրիարքութեան ներկայացուցիչները: Ներկայ եղած են եւ ողջունած են կաթողիկէ եկեղեցւոյ ներկայացուցիչը, ուղղափառ եկեղեցւոյ տիեզերական պատրիարք Բարթողիմէոս Առաջինը:
Նախատեսուած է, որ գահակալութենէն ետք Սահակ Երկրորդ պատրիարքին կաթողիկոս Գարեգին Երկրորդի կողմէն տրուի արքութեան պատիւ:
Սահակ եպիսկոպոս Մաշալեան Պոլսոյ հայոց 85-րդ պատրիարք ընտրուած է երկարարատեւ ներհամայնքային ճգնաժամէն ետք: Երկար տարիներ թրքական իշխանութիւնները կը խոչընդոտէին պատրիարքական ընտրութիւնը` պատճառաբանելով, որ այդ կրնայ տեղի ունենալ միայն գործող պատրիարքի մահէն ետք: Մինչդեռ Մեսրոպ արքեպիսկոպոս Մութաֆեան անգիտակից վիճակի մէջ էր եւ չէր կրնար իր պարտականութիւնները կատարել: Այդ պատճառով 2010 թուականին պատրիարքական փոխանորդ նշանակուած էր Արամ արքեպիսկոպոս Աթեշեան: Իսկ 8 Մարտ 2019-ին երջանկայիշատակ Մեսրոպ Մութաֆեանի մահուընէ ետք սկսաւ նոր պատրիարքի ընտրութեան գործընթացը, որ հակառակ բազմաթիւ քննադատութիւններուն ու հակասութիւններուն, տեղի ունեցաւ` վերջ դնելով նոր պատրիարքի ընտրութեան թնճուկին:

Share.

Leave A Reply