«Երկիր».-Վրաստանի վիճակագրութեան ազգային ծառայութեան տուեալներով, 2019 թուականին Վրաստանէն ամէնէն շատ ապրանք արտահանուած է Ատրպէյճան, Ռուսիա եւ Հայաստան: Ներածման երկիրներու առաջին եռեակին մէջ Թուրքիան, Ռուսիան ու Չինաստանն են:
Ծառայութեան տուեալներուն համաձայն, 2019-ին Վրաստանի ապրանքաշրջանառութիւնը կազմած է 12. 834.7 մլն տոլար, որ նախորդ տարուան տուեալներէն աւելի է 2,7 տոկոսով, իսկ արտահանումը կազմած է 771,5 մլն, ներկրումը` 9 063,2 մլն. տոլար:
Հաշուետուութեան համաձայն, 2019-ի արտահանման եռեակին մէջ են` Ատրպէյճանը (498,7 մլն. տոլար), Ռուսիան (497,1 մլն. տոլար) եւ Հայաստանը (412,2 մլն. տոլար):