ՊԷՏՔ Է ԱՄԷՆ ԻՆՉ ԸՆԵԼ, ՈՐՊԷՍԶԻ ՏՆՏԵՍՈՒԹԻՒՆԸ ՆՈՒԱԶ ԿՈՐՈՒՍՏՆԵՐՈՎ ԴՈՒՐՍ ԳԱՅ ԱՅՍ ԻՐԱՎԻՃԱԿԷՆ

0

ՀՅԴ ՀԳՄ – ն հակաճգնաժամային կառավարման մասին առաջարկութիւններու փաթեթ պատրաստած եւ ուղարկած է գործադիրին` նշելով, թէ ինչ քայլերու կրնան ձեռնարկել, որպէսզի Հայաստանի մէջ արտակարգ դրութեան պայմաններով իրավիճակը վերահսկելի ըլլայ:
«Ժողովուրդ» օրաթերթը այս հարցերուն շուրջ զրուցած է ՀՅԴ Գերագոյն Մարմինի ներկայացուցիչ Իշխան Սաղաթէլեանի հետ՝ պարզելու համար, թէ իրենց առաջարկութիւններուն ո՛ր հատուածն է որ կառավարութիւնը ընդունած է եւ ո՛րը՝ մերժած։
Ի․Ս․-Ստեղծուած իրավիճակին մէջ Դաշնակցութեան քաղաքական եւ տնտեսական տեսլականն է այդ փաթեթը, ուր կը յիշուի թէ ինչ քայլերու պէտք է ձեռնարկել հակաճգնաժամային իրավիճակէն ելլելու համար: Սա համապարփակ ծրագիր է, ուր յիսուն քայլ նախատեսուած է` արտակարգ վարչակարգէն բխող քայլերու, տնտեսութեան եւ հանրային տարբեր ոլորտներու հետ կապուած` կրթութիւն, առողջապահութիւն, բանակ: Մենք այդ ամէնը ներկայացուցած ենք կառավարութեան եւ հրապարակային կերպով հանդէս եկած ենք, թէ ստեղծուած իրավիճակին «Դաշնակցութեան» կողմէ առաջարկուող լուծումներն ու պատկերացումները որո՛նք են:

«Ժ․»- Բայց կառավարութիւնը կ’արձագանք է՞ ձեր ներկայացուցած առաջարկութիւններուն, արդեօք ներկայացուած փաստաթուղթէն ետք կը նկատ է՞ք քայլեր գործադիրին կողմէ, որոնք կատարուած է ձեր առաջարկութեամբ:
-Պաշտօնական արձագանք չստացանք, բայց իրենց գործողութիւններուն մէջ կը տեսնենք, որ որոշ բաներ արդէն կը կիրառուին, բայց քիչ մը կիսատ-պռատ, թերի: Մենք ինչու՞ դիմած ենք կառավարութեան. որովհետեւ գործադրողը կառավարութիւնն է, այդ գործիքակազմը իրենցն է, մենք նման գործիքակազմ չունինք, որուն համար դիմած ենք իրենց:
-Կը Խնդրեմ նշէք` առաջարկութեան ձեր այն հատուածը, որ ներկայացուցած էք կառավարութեան, ու ինչ-որ չափով իրագործած են գործադիրի ներկայացուցիչները:
-Օրինակ` առաջին երկու կէտերով` արտակարգ դրութենէն բխող, որ անհրաժեշտ է անմիջականօրէն դադրեցնել ձեռնարկատիրական գործունէութեամբ զբաղող կազմակերպութիւններու գործունէութիւնը` բացառութեամբ կենսաապահովման ուղղուած ընկերութիւնները ու երթեւեկի հետ կապուած, որ ըսած էինք այն ատեն, որովհետեւ այդ որոշումները չէր կայացուած: Ընդհանուր առումով, երկրին մէջ յայտարարուած էր արտակարգ դրութիւն, բայց, կարծես թէ, այդ հիմնական խստութիւնը կը վերաբերէր ԶԼՄ-ներու աշխատանքներին: Պէտք է վերաբերէր կեանքի մնացած ոլորտներուն եւս: Ակնյայտ է, որ ի սկզբանէ իշխանութեան կողմէն կար անլուրջ մօտեցում, վերաբերմունք:
-Ըստ Ձեզի` հիմա այդ անլուրջ մօտեցումը փոխուա՞ծ է, իշխանութիւնները աւելի լու՞րջ կը վերաբերին ստեղծուած իրավիճակին հետ:
-Կը կարծեմ` արդէն հասկցած են, որ սա կատակ չէ, բայց քայլներն ու գործողութիւնները պէտք է ըլլան հաւասարակշռուած, թիրախային, ու այս մեր ծրագիրը, որ կազմած էինք, հիմնականօրէն թիրախային կը համարենք, որ պէտք է ամէն ինչ ընել համաճարակի, համավարակի տարածումը կանխելու ուղղութեամբ եւ անոր զուգահեռ անդրադառնալ տնտեսութեան, թիրախային քայլերը ձեռնարկել, նկատի ունենալ մեր ընկերային անապահով խաւին, որ այս օրերուն հացի խնդիր պիտի ունենայ: Պէտք է ամէն ինչ ընել, որպէսզի տնտեսութիւնը նուազ կորուստներով դուրս գայ այս իրավիճակէն:

-Կը կարծէք` արտակարգ դրութիւնը երկարացնելու որոշում պիտի կայանէ՞ ՀՀ կառավարութիւնը:
-Չեմ կրնար ըսել, որովհետեւ կառավարութիւնը կ’որոշէ երկրին մէջ ստեղծուած իրավիճակի իրական պատկերը ամփոփելէն ետք: Տեղեկութիւնը, որ իրենք ունին, իրենք պէտք է որոշեն, այսինքն` իրենք ունին իսկական տեղեկատուութիւնը, թէ իրականութեան շէջ ինչ կը կատարուի ՀՀ-ի մէջ:
-Աւելի խստացած է՞ վիճակը, ու, կարծես թէ, հանրութիւնն ալ ինքնամեկուսացած է, չի՞ նշանակեր, որ ապրիլի կիսուն արդէն իրավիճակը աւելի յստակ կը դառնայ: Դուք ի՞նչ տեղեկութիւն ունիք այդ մասին:
-Այս քայլերը պէտք էր շուտ ընել, իրենք անընդհատ բան մը յայտարարած են, բայց անլրջացած է իրավիճակը, անոր համար մարդիկ սկսան այս վիճակին անլուրջ վերաբերիլ, մինչեւ տեսան, որ այլ երկիրներու մէջ ինչ կատարուած է: Հոս արդէն հասկցան, որ կրնայ իրավիճակը վերահսկողութենէն դուրս գալ, հիմա սա գիտակցելով` կարծես թէ, կը խստացնեն, որովհետեւ իսկապէս լուրջ է. կապուած է մարդոց առողջութեան հետ: Այս մեր ծրագիրը, որ ներկայացուցած ենք, որոշակի երկու ամսուան քայլերու ծրագիր է. եթէ ըլլան այլ բաներ, մենք կրկին հանդէս պիտի գանք առաջարկութիւններով:
–ՀՅԴ-ն մշտապէս քննադատած է իշխանութիւններուն վարած քաղաքականութիւնը, արդեօք կը կարծէ՞ք, որ այդ առաջարկութիւնները կառավարութիւնը պիտի ընդունի՞ ու մեկնած ձեռքը սեղմէ:
-Մեր կարգ մը քննադատողներուն` թէ ընդդիմադիր կուսակցութիւն ենք, ի՞նչ գործակցութեան հարց կայ, ես կ’ուզեմ անգամ մը եւս յստակացնել, որ մեր ընդդիմադիր կեցուածքով, մեր գործունէութեան, մեր գնահատականներուն մէջ ոչինչ փոխուած է, բայց երկիրը ունի մարտահրաւէր, ունի դժուարութիւն, ուր քաղաքական մասեր հաւաքելու, իշխանութիւն-ընդդիմութիւն խաղալու ժամանակը չէ, այլ իւրաքանչիւր անհատ պէտք է իր մասնակցութիւնըն ունենայ այս իրավիճակը յաղթահարելու համար: Սա կը վերաբերի նաեւ իշխանութիւններուն, որպէսզի իրենք ալ իրենց գործողութիւններով, ելոյթներով այդ մթնոլորտին չնպաստեն. այս իրավիճակը սեւեր եւ սպիտակներ չի ճանչնար:

Զրուցեց
ՍՈՆԱ ԳՐԻԳՈՐԵԱՆ

Share.

Leave A Reply