ԹՈՒՐՔԻՈՅ ՄԷՋ ՔԱՆԱՏԱՅԻ ԴԵՍՊԱՆԱՏՈՒՆԸ ԴԱՏԱՊԱՐՏԱԾ Է ԱՐՑԱԽԻ ՄԷՋ ՏԵՂԻ ՈՒՆԵՑԱԾ  ԸՆՏՐՈՒԹԻՒՆՆԵՐԸ. Ի ՊԱՏԱՍԽԱՆ` ՅԱՅՏԱՐԱՐՈՒԹԵԱՄԲ  ՀԱՆԴԷՍ ԵԿԱԾ Է ՔԱՆԱՏԱՅԻ ՀԱՅ ԴԱՏԻ ՅԱՆՁՆԱԽՈՒՄԲԸ

0

«Երկիր».-Թուրքիոյ մէջ Քանատայի դեսպանատունը 1 Ապրիլին, հանդէս  եկած է յայտարարութեամբ` անդրադառնալով 31 Մարտին Արցախի Հանրապետութեան մէջ նախագահական եւ համապետական ընտրութիւններուն:

Դեսպանութեան յայտարարութեան մէջ, որ հրապարակուած է կառոյցի թուիթըրեան պաշտօնական էջին վրայ, ըսուած է.

«Քանատան կ’աջակցի Ատրպէյճանական տարածքային ամբողջականութեան եւ չի ճանչնար այսպէս կոչուած «ընտրութիւնները», որոնք տեղի ունեցած են Լեռնային Ղարաբաղի մէջ 31 Մարտին: Նման «Ընտրութիւններ» կը խարխլեն ԵԱՀԿ Մինսքի Խմբակի կողմէ գործադրուող ջանքերը`ԼՂ հակամարտութեան խաղաղ կարգաւորման հասնելու համար»:

Պատասխան յայտարարութեամբ  հանդէս եկած է Քանատայի Հայ Դատի Յանձնախումբը.

«Քանատայի Հայ Դատի Յանձնախումբն ու Քանատայի հայ համայնքը խիստ վրդոված են Թուրքիոյ Քանատայի դեսպանութեան կողմէ  կատարուած կողմնակալ յայտարարութենէն` Արցախի մէջ տեղի ունեցող ազատ եւ արդար ընտրութիւններուն առնչուող:

Մենք խստիւ կը մերժենք  եւ կը յորդորենք դեսպանատունը անյապաղօրէն չեղեալ յայտարարել այդ յայտարարութիւնը»:

Share.

Leave A Reply