Երբ սիրես մաքուր խիղճով՝ օրդ կ’ըլլայ տօնական:
Երբ սիրես գործով՝ օրդ կ’ըլլայ յաղթական:
Երբ սիրես ներելով՝ օրդ կ’ըլլայ երանական:
Երբ սիրես առիթ տալով՝ օրդ կ’ըլլայ խաղաղական:
Երբ սիրես բարին մաղթելով՝ օրդ կ’ըլլայ աղօթական:
Երբ սիրես անշահախնդիր կերպով՝ ընթացքդ կ’ըլլայ պատուական:
Երբ սիրես խաչդ կրելով՝ ուխտդ կ’ըլլայ վաւերական:
Երբ սիրես Յիսուսի օրինակով՝ կ’ըլլաս որդի արքայութեան:
Երբ սիրես եռանդուն հոգիով՝ դիտումդ կ’ըլլայ  դրական:
Երբ սիրես անմեղ սիրտով՝ կապդ կ’ըլլայ եղբայրական:
Երբ սիրես յարգալիր կեցուածքով՝ դիրքդ կ’ըլլայ վայելչական:
Երբ սիրես տեւական՝ ապրումներդ կ’ըլլան իրական:
Երբ սիրես ցաւակցելով՝ բեռ վերցնող ես իսկական:
Երբ սիրես ուրախակից ըլլալով՝ խառնուածքդ խնճոյք է հարսանեկան:
Երբ սիրես որպէս օգնական՝ կ’ըլլաս էակ հրեշտականման:
Երբ սիրես առանց ակնկալութեան՝ կ’ըլլաս առաքինութեան թարգման:
Երբ սիրես կառչելով ճշմարտութեան՝ կ’ըլլաս կշիռք արդարութեան:
Երբ սիրես մեղքը ատելով՝ զգացումներդ կ’ըլլան բարեպաշտական:
Երբ սիրես մնայունը ցանկալով՝ հետքդ կ’ըլլայ տիրական:
Երբ սիրես քուկդ երկրորդական համարելով՝ մղումդ կ’ըլլայ մարդասիրական:
Երբ սիրես ծառայելով՝ արարքդ կ’ըլլայ դաստիարակչական:
Երբ սիրես որպէս  Քրիստոսի նամակ՝ ճիգդ կ’ըլլայ գրաւչական:
Երբ սիրես յարութեան յոյսով՝ կը կոչուիս զինուորագրեալ եկեղեցւոյ քաջ վկան:
Երբ սիրես խոր հաւատքով՝ օրերդ կ’ըլլան դրախտանման:
Երբ սիրես անխախտ յոյսով՝ օրերդ գարուն կ’ըլլան Մայիսեան:
Երբ սէր սփռես առատապէս՝ վաստակդ կ’ըլլայ յիշարժան:
Երբ սիրես խոնարհաբար՝ կոչումդ կ’ըլլայ հաստատական:
Երբ սիրես ճշմարտապէս՝ օրերդ կ’ըլլան անկեղծութեան բառարան:
Երբ սիրես ողջ էութեամբ՝ կեանքդ կ’ունենայ դրոշմը սրբութեան:
Երբ սիրես աստուածակեդրոն կեանքով՝ կը հասնիս կատարելութեան:

Խորէն Քհնյ. Պէրթիզլեան