«Արմէնփրէս».-19 Մայիսին տեղի ունեցաւ Հայաստանի արտաքին գործոց նախարար Զոհրապ Մնացականեանի տեսաժողովը ԵԱՀԿ Մինսքի խմբակի համանախագահներ Իկոր Փոփովի (Ռուսիա), Ստեֆան Վիսքոնտիի (Ֆրանսա), Էնտրիւ Շոֆերի (ԱՄՆ), ինչպէս նաեւ ԵԱՀԿ գործող նախագահի անձնական ներկայացուցիչ Անճէյ Քասպրչիքի հետ:
Հայաստանի ԱԳՆ ղեկավարը եւ ԵԱՀԿ Մինսքի խմբակի համանախագահները միտքեր փոխանակեցին վերջին տեսաժողովէն ետք տարածաշրջանային զարգացումներուն շուրջ: ՀՀ ԱԳ նախարարը կարեւոր համարեց համավարակի պայմաններուն մէջ ԵԱՀԿ Մինսքի խմբակի համանախագահներուն հետ մշտական յարաբերութեան պահպանումը:
Զրուցակիցները դիտարկեցին նաեւ համավարակի տարածումով պայմանաւորուած սահմանափակումներուն վերացումէն ետք տարածաշրջան համանախագահներուն այցելութիւններուն իրականացման եւ նախարարական մակարդակով հանդիպումներ կատարելու հեռանկարները: