ՀԱՅ ԴԱՏԸ ԵՒ ԳԱՂԱՓԱՐԱԿԻՑ 12 ԿԱԶՄԱԿԵՐՊՈՒԹԻՒՆՆԵՐ ԴԱՏԱՊԱՐՏԵՑԻՆ ՑԵՂԱՍՊԱՆՈՒԹԻՒՆԸ ՈՒՐԱՆԱԼՈՒ ԱՆԳԱՐԱՅԻ ՆՈՐ ԱՐՇԱՒԸ

0

«Ասպարէզ».- Արեւմտեան Ամերիկայի Հայ Դատի Յանձնախումբը եւ ասորական, յունական ու քաղաքացիական իրաւանց պաշտպան այլ կազմակերպութիւններ դատապարտեցին Հայոց Ցեղասպանութիւնը ուրանալու Անգարայի նորագոյն արշաւը։
Անոնց հրապարակած միացեալ յայտարարութեան մէջ կ՛ըսուի, թէ 1915-էն 1923-ի միջեւ մօտաւորապէս 3 միլիոն հայեր, յոյներ եւ ասորիներ զոհ գացած են թրքական ցեղասպան քաղաքականութեան։
Յիշեցենք, որ անցեալ շաբաթ, Թուրքիոյ նախագահի աշխատակազմի բարձրագոյն խորհրդատուական մարմինը, նախագահ Ռեճէպ Թայիպ Էրտողանի գլխաւորութեամբ ժողովի մը ընթացքին քննարկած էր այն քայլերը, որոնք պիտի իրականացուին ընդդէմ «1915ի դէպքերուն վերաբերեալ Թուրքիոյ նկատմամբ ներկայացուող հայկական լոպիին եւ այլոց պնդումներուն», պնդելով, որ անոնց նպատակը «Թուրքիան եւ մեր ազգը սեւցնել է»։
«Հինգ ժամ տեւած նշեալ ժողովը ցոյց կու տայ, որ մեր համայնքը եւ անոր գործակիցները որքան յաջողած են Հայոց Ցեղասպանութեան պատմական իրողութինը հաստատելու իրենց ջանքերուն մէջ, որոնց շարքին՝ Ներկայացուցիչներու տան եւ Ծերակոյտին կողմէ Հայոց Ցեղասպանութեան ճանաչումը», կը յայտնէ Արեւմտեան Ամերիկայի Հայ Դատի Յանձնախումբի ատենապետ իրաւաբան Նորա Յովսէփեան։
Ամբողջ միացեալ յայտարարութիւնը եւ կազմակերպութիւններու ցանկը կարելի է կարդալ http://asbarez.com/194801 կայքէջին վրայ։

Share.

Leave A Reply