«Արմէնփրէս».- ՀՀ վերաքննիչ քրէական դատարանէն ներս մեկնարկած է «Բարգաւաճ Հայաստան» կուսակցութեան ղեկավար, պատգամաւոր Գագիկ Ծառուկեանի նկատմամբ կալանքը որպէս խափանման միջոց կիրառելու միջնորդութիւնը մերժելու` Երեւանի ընդհանուր իրաւասութեան առաջին ատեանի դատարանի որոշումին դէմ բողոքի քննութիւնը:
Գագիկ Ծառուկեանը դատական նիստին չէ մասնակցած: Նիստը դռնփակ ընթացած է:
Նախորդ դատական նիստը յետաձգուած էր, որովհետեւ դիմումներուն մէկ մասը դատարանին չէր հասած:
Գագիկ Ծառուկեանի պաշտպանական խումբը նոյնպէս վերաքննիչ բողոք ներկայացուցած է` խնդրելով դատարանէն հիմնաւոր կասկածի բացակայութիւնը հաստատուած համարել: