LE MONDE. ԷՐՏՈՂԱՆ ՎՐԷԺ ԿԸ ԼՈՒԾԷ ՍԵՒՐԻ ԴԱՇՆԱԳԻՐԷՆ

0

Ֆրանսական Le Monde պարբերականը կը գրէ, որ Թուրքիոյ նախագահ Ռեճէպ Թայիպ Էրտողան վրէժ կը լուծէ Սեւրի դաշնագիրէն:
«Մէկ դար անց Էրտողան Սեւրի դաշնագիրէն վրէժ կը լուծէ» վերնագիրով յօդուածին մէջ ն
յիշուած է, որ Էրտողան եւ Լիպիոյ Ազգային համաձայնութեան կառավարութեան ղեկավար Ֆայէզ Սարաճի միջեւ Հիւսիսային Ափրիկէի եւ Միջերկրականի ռազմավարական խաղը փոխելու համար կնքուած համաձայնագիրը փայլուն է եւ պէտք է ծանրակշիռ տեղ գրաւէ պատմութեան մէջ:
Նշուած է, որ անոր համար յատկապէս ընտրուած էր Տօլմապահչէ պալատին մէջ (Պալեան ընտանիքի կողմէն ստեղծուած սուլթանական նստավայր) 2019-ի Նոյեմբերի համաձայնագիրին կնքումը, ուր տեղի ունեցած է Էրտողանի եւ Սարաճի մասնակցութեամբ 4 հանդիպում:
Յօդուածին մէջ գրուած է, որ Լիպիոյ ռազմական եւ բանակավարութեան աջակցութեան փոխարէն լիպիական ջուրերուն մէջ ուժանիւթի որոնողական աշխատանքներ իրականացնելու թոյլտւութիւն նախատեսող համաձայնագիրին մասին 16 Դեկտեմբեր 2019 -ին Տօլմապահչէի մէջ երկու կողմերու հանդիպումէն ետք Էրտողան յայտարարած է, որ «Այս ռազմական եւ ուժանիւթի համաձայնագիրով չէզոքացուցած ենք Սեւրի դաշնագիրը» եւ անով վրէժ լուծած ենք Սեւրէն:

Share.

Leave A Reply