ԼԱԹԱՔԻՈՅ ԱԶԳ. ՍՐԲ. ՆԱՀԱՏԱԿԱՑ ՎԱՐԺԱՐԱՆԻ 9-ՐԴ ԿԱՐԳԻ ԱՄԱՎԵՐՋԻ ՀԱՆԴԷՍԸ

0

Հովանաւորութեամբ Բերիոյ Հայոց Թեմի Բարեջան Առաջնորդ Գերշ.Տ.Մասիս Ս.Եպս. Զօպուեանի, կազմակերպութեամբ Լաթաքիոյ Ազգ.Սրբ. Նահատակաց Վարժարանի Հոգաբարձութեան և Տնօրէնութեան, Շաբաթ, 25 Յուլիս 2020-ի երեկոյեան ժամը 6։00-ին, տեղի ունեցաւ 9-րդ կարգի ամավերջի հանդէսը, «Արարատ» սրահէն ներս։ Սուրիոյ և Հայաստանի զոյգ քայլերգներով հանդէսի բացումէն ետք, արտասանուեցան հայերէն և Արաբերէն բացման խօսքեր, ապա հերթականութեամբ բեմ բարձրացան 9-րդ կարգի աշակերտները, ներկայացնելով գեղարուեստական կոկիկ յայտագիր մը։ Աւարտին դպրոցիս տնօէնուհին ուղղեց իր սրտի խօսքը։ Ապա ընթերցուեցաւ Բերիոյ Հայոց Թեմի Ուսումնական Խորհուրդի շնորհաւորագիրը։ Վկայականաց բաշխման հանդիսութենէն ետք պարգեւատրուեցան կարգ մը աշակերտներ։
Գերշ.սրբազան հայրը բարձր գնահատեց հանդէսի պատրաստութեան համար տարուած բծախնդիր աշխատանքը, ապա շրջանաւարտներուն ուղղուած հայրական իր պատգամով թելադրեց միշտ դրական կեցուածքով, նախաձեռնող ոգիով և պարտաճանաչ ընթացքով նուաճել նորանոր բարձրունքներ։

Մանրամասնութիւնները կարդալ «Գանձասար» յառաջիկայ օրերու լրատուութեամբ։

Share.

Leave A Reply