10 Փետրուարին ՀՀ սփիւռքի նախարար Հրանոյշ Յակոբեան ընդունեց Սուրիոյ հայ աւետարանական եկեղեցիներու խորհուրդի նախագահ, վերապատուելի Յարութիւն Սէլիմեանը:

Հրանոյշ Յակոբեան կարեւոր համարեց Սուրիոյ մէջ շտապ օգնութեան մարմիններու` հայապահպանութեան, համայնքը պահելուն, առկայ հասարակական, կրթական, առողջապահական եւ այլ խնդիրները լուծելուն, մարդոց ապահովութիւնն ու անվտանգութիւնը ապահովելուն ուղղուած ամէնօրեայ ջանքերը:

Սուրիոյ հայ աւետարանական եկեղեցիներու խորհուրդի նախագահը ներկայացուց վերջին շրջանին մէջ Սուրիոյ մէջ տիրող իրավիճակը եւ անոր հնարաւոր զարգացումներու ազդեցութիւնը հայ համայնքին վրայ: Յարութիւն Սէլիմեան հանգամանօրէն ներկայացուց համայնքէն ներս կազմակերպուած ձեռնարկները, մասնաւորապէս Հայոց բանակի կազմաւորման 25 ամեակին նուիրուած հանդիսութիւնները, նշեց, որ անոնք երիտասարդ սերունդի ազգային դաստիարակութեան, հայրենասիրական ոգին արթնցնելու, հայեացքը դէպի Հայրենիք ուղղելու հզօր ազդակներ են: Ան նշեց, որ սուրիահայերու հիմնախնդիրներու կարգաւորումը անհրաժեշտ կը դարձնէ Սփիւռքի բոլոր կառոյցներու եւ հայկական ներուժի հետագայ համախմբումը, որուն մէջ մեծ դեր վերապահուած է Սփիւռքի Նախարարութեան:

Հանդիպման ընթացքին անդրադարձ կատարուեցաւ Սուրիոյ իրավիճակէն բխող հնարաւոր զարգացումներուն, հայ համայնքի անվտանգութեան առնչուող շարք մը խնդիրներուն: Քննարկուեցան հետագայ համագործակցութեան եւ կազմակերպչական խնդիրներուն վերաբերող հարցեր, նախանշուեցան ընելիքները:

Share.

Leave A Reply