«Էրմենիհապէր» կը հաղորդէ, որ Թուրքիոյ մէջ դժգոհութիւն յառաջացուցած է Գերմանիոյ  Քէօլն քաղաքին մէջ Հայոց Ցեղասպանութեան զոհերու յիշատակին նուիրուած յուշակոթողի կառուցման որոշումը: Թրքական «Ա. Հապէր» լրատուական կայքը կը տեղեկացնէ, թէ Եւրոպական Միութեան հարցերու նախարար եւ գլխաւոր բանագնաց Էօմեր Չելիք ազդարարած է, թէ նման որոշումներ իրարմէ աւելի ու աւելի պիտի հեռացնեն հայ եւ թուրք ժողովուրդները:

Ան քննադատած է այդ որոշումը` միաժամանակ դատապարտելով Գերմանիոյ խորհրդարանին կողմէ վաւերացուած եւ Հայոց Ցեղասպանութիւնը ճանչցող բանաձեւը:

Չելիք կրկին ներկայացուցած է Հայոց Ցեղասպանութեան վերաբերեալ Թուրքիոյ ուրացման պաշտօնական քաղաքականութիւնը` խօսելով «ընդհանուր ցաւի» վարկածին, պատմաբաններու միացեալ յանձնախումբ կազմելու եւ հայ-թրքական երկխօսութիւն ապահովող հարթակներ ստեղծելու անհրաժեշտութեան մասին:

Share.

Leave A Reply