«Թերթ.ամ» կը հաղորդէ, թէ Թուրքիոյ ընդդիմադիր Ժողովրդադեմոկրատական կուսակցութեան անդամ, խորհրդարանի հայ պատգամաւոր Կարօ Փայլանը քննադատած է երկրի ներքին գործոց նախարար Սուլէյման Սոյլուն, որ օրեր առաջ սպառնացած էր Եւրոմիութեան գաղթականութեան նոր ճգնաժամով:

Նշենք, որ Սոյլուն՝ քննադատելով Հոլանտայի իշխանութիւնները Թուրքիոյ ընտանիքի հարցերով նախարար Ֆաթմա Պեթիւլ Սայեան Գայան երկրէն վտարելուն համար, յայտարարած էր. «Շատ կ՝ուզեն` մինչեւ հիմա չուղարկած սուրիացի եւ իրաքցի փախստականներէն ամէն ամիս 15.000-ը ուղարկենք Եւրոպա, թող զարմանան»:

«Տես, այս արտայայտութիւնդ քեզի ամբողջ աշխարհի աչքին ֆաշիստ պիտի դարձնէ»,- գրած է Փայլան «Թուիթըր»-ի իր էջին` նշելով, որ Սոյլուն մէկ անգամ եւս ցոյց տուաւ իր իրական դէմքը Եւրոպային ու աշխարհին:

Share.

Leave A Reply