Հայաստանի պաշտպանութեան նախարարութիւնը՝ կրթութեան եւ գիտութեան նախարարութեան հետ, կը կազմակերպէ «Ազգ-բանակ-2017» համաժողովը, որ նուիրուած է ռազմակրթական ոլորտի հիմնախնդիրներուն:

Համաժողովը տեղի պիտի ունենայ 20 Ապրիլին, Երեւանի Կ. Դէմիրճեանի անուան մարզահամերգային համալիրին մէջ:

Համաժողովի ծիրին մէջ, Մարզահամերգային համալիրի տարածքին, 21-23 Ապրիլի պիտի կատարուի ցուցահանդէս, ուր կրթական ոլորտի առաջատար հաստատութիւններ պիտի ծանօթացնեն իրենց ուսումնական պայմանները, արձանագրած յաջողութիւններն ու կրթական ծրագիրները:

Առանձին հարթակներու եւ տաղաւարներու մէջ պիտի ներկայացուին սպառազինութեան եւ ռազմական սարքերու նմուշներ, Հայաստանի ռազմարդիւնաբերական համալիրի արտադրատեսակներ:

Նախատեսուած է նաեւ մրցութային ծրագիր, սահմանուած են յատուկ մրցանակներ յաղթողներուն համար: Պիտի կազմակերպուին հանդիպումներ արցախեան ազատամարտի վեթերաններու ու ապրիլեան մարտական գործողութիւններու մասնակիցներուն հետ:

Համաժողովը պիտի մեկնարկէ 20 Ապրիլի առաւօտեան ժամը 10ին:

Ցուցահանդէսը պիտի իրականանայ 21 եւ 22  Ապրիլին:

Share.

Leave A Reply