Իրանի արտաքին գործոց նախարար Մոհամէտ Ճաւատ Զարիֆ, 18 Ապրիլին Թիֆլիսի մէջ Վրաստանի իշխանութիւններուն հետ վարած բանակցութիւններուն ընթացքին, ընդգծած է տարածաշրջանային փոխադրական ծրագիրներու մէջ Հայաստանի մասնակցութեան անհրաժեշտութիւնը:

Վրաստանի եւ Իրանի արտաքին գործոց նախարարներու հանդիպումէն ետք, Զարիֆ յայտարարած է, թէ Իրան կը փափաքի Պարսից ծոցի եւ Սեւ ծովի միջեւ ստեղծել փոխադրական միջանցք մը, որուն անպայման պէտք է մասնակցին նաեւ Վրաստանը, Իրանը, Ատրպէյճանն ու Հայաստանը:

Պաշտօնական այցով Վրաստան գտնուող Իրանի արտաքին գործոց նախարարին կ՛ուղեկցէին աւելի քան երեք տասնեակ իրանցի գործարարներ ու ձեռնարկութիւններու ներկայացուցիչներ:

Share.

Leave A Reply