Հայ Դատի ԱՄՆ յանձնախումբը Միացեալ Նահանգներու մայրաքաղաք Ուաշինկթընի մէջ, 16 Մայիսին, բողոքի ցոյց պիտի իրականացնէ` ընդդէմ Թուրքիոյ նախագահ Ռեճէպ Թայիպ Էրտողանի, որ ժամանած է ԱՄՆ: Հայ Դատի ԱՄՆ-ի յանձնախումբին փոխանցած տեղեկութիւններով՝ երթը պիտի սկսի իրենց ժամանակով 12:00-ին:

«Ասիկա նախագահ Թրամփի հնարաւորութիւնն է դէմ դուրս գալու Էրտողանին: Ժամանակն է մարտահրաւէր նետելու Էրտողանի սպառնալիքներուն եւ թրքական կառավարութեան քօղարկուած արշաւին, որ միտուած է ազդելու ԱՄՆ քաղաքականութեան վրայ օտարերկրեայ գործակալներուն, լոպպիստներուն եւ ազդեցութիւն ունեցող այլ անձերուն տրուող խնդրահարոյց վճարումներուն միջոցով: Ան կրնայ առաջնահերթ համարել ամերիկեան սկզբունքները եւ մերժել ԱՄՆ կողմէ Հայոց Ցեղասպանութեան յիշատակման ուղղուած Թուրքիոյ արգելքը», նշուած է յայտարարութեան մէջ:

Share.

Leave A Reply