«Հայերն Այսօր» կը նշէ, որ ֆրանսահայ «Նոր Յառաջ» թերթը կը տեղեկացնէ, թէ Ֆրանսայի խորհրդարանական ընտրութիւնները տեղի պիտի ունենան երկու փուլերով` 11 եւ 18 Յունիսին:

Հրապարակուած ցանկերուն մէջ կայ չորս հայ թեկնածու: Անոնցմէ երկուքը կը ներկայանան Մաքրոնի նորաստեղծ Յառաջ ընթացող հանրապետականները կուսակցութեան, մէկը` ընկերավարական, մէկն ալ Պայրուի Ժողովրդավարական շարժումի ցանկէն:

Յառաջ ընթացող հանրապետականներ կուսակցութեան ցանկէն ներկայացող հայերէն մէկը ձեռնարկատէր Տանիէլ Ղազարեանն է, որ պիտի ըլլայ նշեալ կուսակցութեան թեկնածուն Ռոն նահանգի (69) 13-րդ ընտրատարածքին մէջ: Միւսը` Փասքալ Շամասեան, Պուշ-տիւ-Ռոն նահանգի (13) առաջին ընտրատարածքէն:

Ընկերվարականներու ցանկին մաս կազմող հայ միակ թեկնածուն է Ֆիլիփ Գիզիրեան, որ պիտի ներկայանայ Լուառ նահանգի (42) թիւ 3 ընտրատարածքէն:

Իսկ Ժողովրդավարական շարժում կուսակցութեան ցանկէն ներկայացող հայանուն թեկնածուն Նատիա Եսայեանն է: Ան ծագումով պաղեստինցի քրիստոնեայ մըն է, որ ամուսնացած է հայու հետ: Կը ներկայանայ Վիերզոնի մէջ (Շէր նահանգ – 18)` 2-րդ ընտրատարածքէն:

Share.

Leave A Reply