Սուրիոյ մէջ միջնակարգի աւարտական կարգի՝ պրովէի պետական քննութիւնները կը շարունակուին։

Ազգ. Քարէն Եփփէ Ճեմարանի Տնօրէնութիւնը օրական դրութեամբ կ՚այցելէ վարժարանի աշակերտներուն, որոնք բաժնուած են երկու կեդրոններու մէջ, մանչերը՝ «Միքայէլ Քաշշուր» երկրորդական վարժարան, իսկ աղջիկները՝ «Տիմաշք» երկրորդական վարժարան։

Յայտնենք, որ Սուրիոյ բոլոր նահանգներէն 273 000 աշակերտ-աշակերտուհիներ կը մասնակցին պրովէի քննութիւններուն, բաժնուած 2100 կեդրոններու մէջ, իսկ Հալէպի մէջ՝ 29 350 աշակերտ-աշակերտուհիներ, բաժնուած 180 կեդրոններու մէջ։ 6 կեդրոններ յատկացուած են Հալէպի գիւղերէն եւ արուարձաններէն ժամանած աշակերտութեան։

Share.

Leave A Reply