16 Մայիսի յետմիջօրէին Միացեալ Նահանգներ այցելող Թուրքիոյ նախագահ Ռեճէպ Թայիպ Էրտողանի դէմ Ուաշիկթընի մէջ կազմակերպուած խաղաղ ցոյցի մը մասնակիցները թիրախ դարձան խումբ մը թուրք ազգայնամոլներու վայրագ յարձակումներուն, որոնց հետեւանքով 10 վիրաւոր արձանագրուեցաւ։

Այս առիթով “MNBC” պատկերասփիւռին տուած իր հարցազրոյցին ընթացքին ծերակուտական Ճան Մըքէյն ըսաւ. «Մենք պէտք է Միացեալ Նահանգներէն դուրս շպրտենք թուրք դեսպանը։ Նման իրողութիւններ չեն կրնար դիւանագիտականօրէն անպատասխան մնալ։ Հարկ է նկարահանուած տեսախցիկով բացայայտել յարձակողներուն ինքնութիւնը եւ անոնց քրէական պատասխանատուութեան ենթարկել», աւելցնելով, որ ԱՄՆ-ը երրորդ կարգի պետութիւն չէ, որ նման վայրագութիւններ տեղի ունենան այնտեղ։

Հաղորդավարի այն հարցումին, թէ ի՛նչ պէտք է ընէ պաշտօնական Ուաշինկթընը յարձակումը դատապարտելու համար, Մըքէյն պատասխանոց. «Ես արդէն ըսի, դուրս շպրտել դեսպանը։ Ծեծողները պարզ քաղաքացիներ չէին, անոնք Էրտողանի անվտանգութեան աշխատակիցներն էին»։

Share.

Leave A Reply