«Թուիթըր»-ի գրառումով Հայաստանի Արտաքին Գործոց Նախարարութիւնը հաղորդած է, որ Եգիպտոսի մէջ Հայաստանի դեսպան Արմէն Մելքոնեան եւ Եգիպտոսի առողջապահութեան նախարարը այցելած են Գահիրէի հիւանդանոց` Ֆարտաքա քաղաքին մէջ տեղի ունեցած յարձակումին պատճառով վիրաւորուած  Հայաստանի քաղաքացիներուն հետ տեսակցելու:

15 Յուլիսին Արտաքին Գործոց Նախարարութեան բանբեր Տիգրան Բալայեան յայտնած էր, որ Ֆարտաքա հանգստավայրին մէջ 14 Յուլիսի յարձակումին պատճառով վիրաւորուածները, անոնց շարքին` Հայաստանի երկու քաղաքացիները, յատուկ թռիչքով տեղափոխուած են Գահիրէի լաւագոյն հիւանդանոցը` անոնց նկատմամբ աւելի որակեալ բժշկական օգնութիւն ցուցաբերելու համար:

Ըստ Արտաքին Գործոց Նախարարութեան բանբերին, Ֆարտաքայի մէջ  տուժած Հայաստանի քաղաքացիներու կեանքին վտանգ չի սպառնար: «Յանցագործը վնասազերծուած է մեր վիրաւոր քաղաքացիին  օժանդակութեամբ», յայտնած էր Բալայեան:

Share.

Leave A Reply