Հայ Եկեղեցւոյ աւանդութեան համաձայն, մեր Տիրոջ Պայծառակերպութեան (Վարդավառ) Տօնին յաջորդող Երկուշաբթի առաւօտուն, Հոգեհանգստեան արարողութիւն կը կատարուի մեր հին ու նոր ննջեցեալներուն համար, մեր եկեղեցիներէն ու գերեզմանատուներէն ներս:

Հանդիսապետութեամբ Բերիոյ Հայոց Թեմի Առաջնորդ Գերշ. Տ. Շահան Արք. Սարգիսեանի, Երկուշաբթի 23 Յուլիս 2017-ին,մեր Թեմէն ներս երկարամեայ ծառայութիւն մատուցած եւ այժմ ի Տէր հանգչող Հոգելոյս Նորայր Եպս. Աշըգեանի վախճանման տխուր առիթով հոգեհանստեան պաշտօն պիտի կատարուի Հալէպի Ազգ. Գերեզմանատան եւ Թեմի բոլոր շրջաններուն մէջ, քահանայից դասուն ու հաւատացեալ ժողովուրդին մասնակցութեամբ:

Ամենակալը իր արքայութեան մէջ հանգչեցնէ հոգելոյս Նորայր Սրբազանին եւ մեր հարազատներուն հոգիները:

«Յիշատակն արդարոց օրհնութեամբ եղիցի»

Դիւան

Կրօնական Ժողովի

Share.

Leave A Reply