Դամասկոսի Ազգային թանգարանի փոխտնօրէնը «Ռուսիա Այսօր»ին յայտնեց, թէ Դամասկոսի Ազգային թանգարանը վերաբացած է իր դռները՝ այցելուներ ընդունելու:

Պատերազմին պատճառով թանգարանը 5 տարիէ իվեր փակ էր, աշխատակիցները ունէին այն մտավախութիւնը, որ զինեալ ահաբեկիչներ որպէս այցելուներ կրնան մուտք գործել թանգարան եւ թալանել այնտեղ ցուցադրուած պատմական իրերը:

Աղբիւրին համաձայն, թանգարանի պաշտօնեաները հրթիռակոծումներու ընթացքին անգամ չէին լքեր համալիրը եւ թանգարանի ծածուկ դարաններուն մէջ կը պահէին թանկարժէք հնութիւնները: Պաշտօնեաներուն վկայութեամբ, պատերազմի տարիներուն թանգարան փոխադրուած են ցուցանմուշներ երկրի այլ շրջաններու՝ Իտլիպի, Հալէպի, Տէր Զօրի եւ Փալմիրի թանգարաններէն:

Յառաջիկային կը նախատեսուի Սուրիոյ զանազան քաղաքներէ բերուած պատմական իրերու ամբողջական ցուցահանդէս մը կազմակերպել Դամասկոսի Ազգային թանգարանին մէջ:

Share.

Leave A Reply