Կլենտէյլի Հայ Դատի Յանձնախումբը կոչ կ՛ուղղէ համայնքին, որ գործնականապէս միանայ Հայոց Ցեղասպանութեան ուրացման արշաւին մասին պատրաստուած «Ուրացման Ճարտարապետները» ֆիլմի ծանուցումը արգիլած «Ամերիքանա»ին դէմ սկսած նամակարշաւին, պարտադրելու համար անոր սեփականատէր «Քարուսօ Ըֆիլիէյթըտ» հաստատութեան, որ ծանուցումները տեղադրէ եւ սրբագրէ այս անընդունելի որոշումը։

Աւելցնենք, որ Օգոստոս 4-ին եւ Օգոստոս 8-ին, Կլենտէյլի Հայ Դատի Յանձնախումբը երկու նամակներ յղած էր յաջորդաբար՝ «Քարուսօ Ըֆիլիէյթըտ» հաստատութեան եւ անոր տնօրէնին՝ Ռիք Քարուսոյին, այս վերջինէն պահանջելով, որ անյապաղ հանդիպում մը ունենայ Հայ Դատին եւ հաստատութեան պատասխանատուներուն միջեւ, հարցը լուծելու համար։

Սոյն նամակները ցարդ անպատասխան կը մնան։

Հաստատութեան վրայ յաւելեալ ճնշում բանեցնելու նպատակով սկսած սոյն նամակարշաւին միանալու համար, այցելել www.marchtojustice.org/issues/americana կայքէջը, միաժամանակ յանձնարարելով ձեր ազգականներուն ու բարեկամներուն՝ նոյնը կատարել։

Share.

Leave A Reply