Կարօ Արմէնեան. «Սփիւռքի Մէջ Սպասողական Վիճակ Է, Թէ Ով 2018-Ին Կը Դառնայ ՀՀ Վարչապետ»

0

 

Ամերիկայի Հայ Դատի Յանձնախումբի անդամ Կարօ Արմէնեան «Առաջին Լրատուական«ին հետ զրոյցի ընթացքին յայտնեց, որ Հայկական կողմը պէտք է միշտ պատերազմի հաւանականութեան պատրաստ ըլլայ:

Անդրադառնալով ստեղծուելիք Համահայկական Խորհուրդին Կարօ Արմէնեան նկատեց. «Համահայկական խորհուրդը անորոշ վիճակի մէջ է, սաղմնային գաղափար է եւ երկար ճանապարհ ունի անցնելու եւ վստահ չեմ, որ կեանքի կը կոչուի, իսկ կեանքի կոչուելու պարագային ալ «եթէ»ները շատ են»:

Պատասխանելով այն հարցումին, թէ Սփիւռքի մէջ ինչպէս կը վերաբերին այն քննարկումներուն, որ 2018-ին Սերժ Սարգսեանը հնարաւոր է որ նշանակուի վարչապետ, Արմէնեան յայտնեց, որ Սփիւռքի մէջ սպասողական վիճակ է, թէ ով 2018-ին կը դառնայ ՀՀ վարչապետ. «Սերժ Սարգսեանը որպէս նախագահ եւ ՀՀԿ առաջնորդ իր ձեռքը ունի մեծ խաղաքարտ, միաժամանակ սակայն ՀՀ վարչապետը իր կարճ կառավարման շրջանի աշխատանքներուն լոյսին տակ եւս կարեւոր թեկնածու կը համարուի»:

Share.

Leave A Reply