Եւրոպական Խորհուրդի Անդամները Քննադատած Են Թուրքիոյ Գերագոյն Եւ Սահմանադրական Դատարաններու Ներկայացուցիչները

0

Թրքական «Թ24» կայքը կը գրէ, որ Թուրքիոյ մայրաքաղաք Անգարայի մէջ Եւրոպական խորհուրդի եւ Թուրքիոյ արդարադատութեան համակարգի ներկայացուցիչներու մասնակցութեամբ խօսքի ազատութեան ու ահաբեկչութեան դէմ պայքարին նուրիուած խորհրդաժողով մը տեղի ունեցած է: Խորհրդաժողովին ընթացքին եւրոպացի պաշտօնեաները խիստ քննադատութեան ենթարկած են Թուրքիոյ գերագոյն եւ սահմանադրական դատարաններու ներկայացուցիչները, ինչպէս նաեւ կառավարութիւնը, որ  հիմնական որոշումները կու տայ երկրին մէջ արտակարգ դրութեան պայմաններուն մէջ:

Խորհրդաժողովի ընթացքին ընդգծուած է, որ Թուրքիոյ դատախազութիւններու եւ առաջին ատեանի դատարաններու որոշումները պէտք է համապատասխանեն Մարդկային իրաւանց եւրոպական ուխտի եւ Մարդկային իրաւանց եւրոպական դատարանի, ինչպէս նաեւ Թուրքիոյ Սահմանադրական դատարանի որոշումներուն ու իրաւական սկզբունքներուն:

Քննարկուած է նաեւ Թուրքիոյ մէջ յեղաշրջման փորձէն ետք որդեգրուած օրէնքներու` Մարդու իրաւունքներու եւրոպական ուխտին համապատասխանելու հարցը:

Share.

Leave A Reply