Նախագահ Սահակեան Հանդիպում Ունեցած Է Ազգային Ժողովի Խմբակցութիւններուն Հետ

0

Նախագահ Բակօ Սահակեան 11 եւ 12 Սեպտեմբերին ունեցած է քաղաքական խորհրդակցութիւններ Արցախի Հանրապետութեան Ազգային ժողովի «Հայրենիք», «Ժողովրդավարութիւն», «Դաշնակցութիւն», «Շարժում-88» եւ «Վերածնունդ» խմբակցութիւններուն հետ:

Քննարկուած են հանրապետութեան ներքին եւ արտաքին քաղաքականութեան վերաբերող շարք մը հարցեր: Յատուկ  ուշադրութեան արժանացած է նոր Սահմանադրութեան հետ կապուած իրականացուելիք բարեփոխումներուն ընթացքը:

Նախագահը կարեւոր նկատած է նման հանդիպումները քաղաքական եւ գործնական տեսանկիւններէ` զանոնք նկատելով ներքաղաքական կառուցողական երկխօսութեան առանցքային բաղադրամասերէն:

Յիշենք նաեւ, թէ Արցախի Հանրապետութեան նախագահ Բակօ Սահակեան 11 Սեպտեմբերին ընդունած է Հայաստանի Հանրապետութեան տարածքային կառավարման եւ զարգացման նախարար Դաւիթ Լոքեանը:

Հանդիպումին արծարծուած են համապատասխան մարզերու մէջ Արցախի եւ Հայաստանի փոխադարձ գործակցութեան առնչուող շարք մը հարցեր:

Share.

Leave A Reply