«Ամերիկայի Ձայն». «Ֆլորիտայի Հայ Համայնքը Անվնաս է»

0

«ԱՄՆ Ֆլորիտա նահանգը հարուածած «Իրմա» մրրիկը աւերածութիւններ ձգած է նահանգին մէջ:

«Արցախփրէս» կը հաղորդէ, որ Ֆլորիտայի Սուրբ Մարիամ Աստուածածին եկեղեցւոյ հոգեւոր հովիւ  հայր Վարդան Ճուլֆայեանը «Ամերիկայի Ձայն»-ին ըսած է, որ մարդիկ անվնաս են, եկեղեցին կանգուն է իր խաչով։

Նախնական տուեալներով, մրրիկը լուրջ վնասներ պատճառած է, խլած է 12 մարդու կեանք: Ֆլորիտայի հարաւ-արեւելեան ափին, ուր կը գտնուի եկեղեցին, աւերածութիւնները լուրջ չեն` ինկած ծառեր, վնասուած ինքնաշարժներ եւ ապակիներ: Հայր Վարդանը արդէն խօսած է տեղի հայ համայնքի բազմաթիւ ներկայացուցիչներու հետ. «Ամէն մարդ, փառք Աստուծոյ, ապահով է, այնպէս որ իրապէս մեր աղօթքը կը շարունակենք առ Աստուած, որ մարդիկ վնասներ կրած չըլլան, ամէն մարդ ապահով ըլլայ»:

Այս Կիրակի, տեղի հայ համայնքը պիտի հաւաքուի Սբ. Մարիամ Աստուածածին եկեղեցւոյ մէջ, նշելու Խաչվերացը, ինչպէս նաեւ միասնական ուժերով բարեկարգելու եկեղեցւոյ տարածքը:

Share.

Leave A Reply