Թուրքիոյ  615 Պետական Պաշտօնեաներ  Ապաստան Ստանալու  Խնդրանքով Դիմած  Են  Գերմանիոյ

0

Գերմանիոյ ներքին գործոց նախարար Թովմաս տը Մայզիէրըն գերմանական «Rhein Zeitung» թերթին հետ հարցազրոյցի մը ընթացքին յայտնած է, թէ Թուրքիոյ պետական յեղաշրջման փորձէն ետք, (15 Յուլիս 2016-էն մինչեւ Օգոստոս 2017) 615 պետական ծառայող ապաստան ստանալու խնդրանքով Գերմանիոյ դիմած է: Դիմողներուն 250-ը ունի դիւանագիտական, 365-ը՝ ծառայողական անցագիր: Այս տուալներուն մէջ ներառուած են նաեւ թուրք պաշտօնեաներուն ընտանիքի անդամները: Ան նաեւ ըսած է որ մինչեւ Մայիս 2017 ապաստան ստանալու խնդրանքով Գերմանիոյ դիմած է դիւանագիտական եւ յատուկ անցագիր  ունեցող 414 քաղաքացի:

Գերմանիոյ ներքին գործոց նախարարին տուեալներուն համաձայն, ընդհանուր առմամբ Գերմանիայէն  ապաստան խնդրող թուրքերուն թիւը աճ արձանագրած է: Այսպէս՝ Յուլիս 2017-ին Թուրքիայէն 620 ապաստանի դիմում առաքուած է, Յունիսին՝ 433, Մայիսին՝ 498: Յուլիսին դիմումներուն  22 տոկոսը ընդունուած է, մինչ Մայիսին դրական պատասխան տրուած է դիմողներու միայն 8,7 տոկոսին:

Գերմանական «Die Welt» թերթին համաձայն, Գերմանիայէն ապաստան խնդրողներու մէջ են նաեւ Թուրքիոյ անվտանգութեան բարձրաստիճան աշխատակիցներ եւ ազգային հետախուզական ծառայութեան բարձրաստիճան մէկ ներկայացուցիչ:

Ընդհանուր առմամբ, 15 Յուլիս 2016-էն 15 Օգոստոս 2017 ապաստան ստանալու խնդրանքով Գերմանիոյ դիմած է Թուրքիոյ աւելի քան 6.700 քաղաքացի:

Share.

Leave A Reply