Կարօ Փայլան Ամերիկայի Հայ Դատի Յանձնախումբի «Խաղաղութեան Մրցանակ»ին Կ’արժանանայ

0

Թուրքիոյ խորհրդարանի պատգամաւոր, ծագումով հայ Կարօ Փայլան պիտի արժանանայ Հայ Դատի Յանձնախումբի «Խաղաղութեան մրցանակ»ին։

Պարգեւատրման արարողութիւնը տեղի պիտի ունենայ Լոս Անճելըսի մէջ, 8 Հոկտեմբերին՝ Ամերիկայի Հայ Դատի Յանձնախումբի կալա բանկէտի շրջանակէն ներս։

«Կարօ Փայլան իսկական ժամանակակից հայ հերոս է, որ իշխանութիւններուն դէմ անվախ եւ քաջութեամբ կը բարձրացնէ ճշմարտութեան ձայնը, քանի որ ան ամէնուր հայերու համար արդարութիւն կը փնտռէ», յայտնած է Ամերիկայի Հայ Դատի Յանձնախումբի արեւմտեան թեւի ղեկավար Նորա Յովսէփեան։

Մրցանակակիրներու շարքին են նաեւ Արցախի նախագահ Բակօ Սահակեան, քոնկրեսական Ադամ Շիֆ, Գերմանիոյ Կանաչներու Կուսակցութեան ղեկավար Ճեմ Օզտեմիր, ինչպէս նաեւ System of a Down խումբը։

Փայլան 6-7 Հոկտեմբերին  ելոյթ պիտի ունենայ նաեւ Փասատենայի մէջ Ամերիկայի Հայ Դատի Յանձնախումբի համաժողովին:

Share.

Leave A Reply