Էրտողան. «Մենք Թիրախ Դարձած Ենք, Որովհետեւ Չընդունեցինք Մեր Երկրին Պարտադրուած Սահմանները» 

0

Թուրքիոյ նախագահ Ռեճէպ Թայիպ Էրտողան յայտարարած է, որ տարբեր ոյժեր թիրախ դարձուցած են Թուրքիան, որովհետեւ իրենք չեն հաշտուած իրենց պարտադրուած սահմաններու հետ ու կը պատռեն այն «զսպաշապիկ»-ը, որուն մէջ կ՛ուզեն տեսնել զիրենք:

«Սի.Էն.Էն.Թիւրք» կը հաղորդէ, որ ըստ Էրտողանի, թէ՛ դուրսէն, թէ ալ ներսէն կը փորձեն Թուրքիան պաշարել:

«Թուրքիան այն երկիրն է, որ այս առեւտուրին համար բացուած սեղանիկը պիտի դարձնէ ինքնին սեղանիկի տէրերուն գլխուն: Մենք թիրախ դարձած ենք, որովհետեւ չընդունեցինք մեր երկրին պարտադրուած սահմանները, պատռեցինք ու մէկդի նետեցինք այն զսպաշապիկը որ կը փորձէին մեզ հագցնել», յայտարարած է Էրտողան:

Թուրքիոյ նախագահը նաեւ շեշտած է, որ թէ՛ Թուրքիան, թէ՛ ամբողջ շրջանը կ՛անցնին դժուար ժամանակներէ, իսկ Սուրիոյ հիւսիսը քրտական ոյժերու դիրքերուն ամրապնդումը նոյնպէս այդ «մութ նախագիծ»-ին մէկ մասն է:

Share.

Leave A Reply