Թրքական Բանակը Իտլիպի Մէջ Իր Ռազմական Գործողութիւններուն Մեկնարկը Կը Յայտարարէ

0

«Ռուսիա Այսօր»ի համաձայն, Երկուշաբթի, 9 Հոկտեմբեր 2017-ին, թրքական բանակի հրամանատարութիւնը յայտարարած է սուրիական Իտլիպ նահանգին մէջ իր ռազմական գործողութիւններուն մեկնարկը: Յայտարարութեան մէջ ըսուած է թէ. «Կիրակի 8 Հոկտեմբեր 2017-ին, թրքական բանակը հատելով սուրիական սահմանը  մուտք գործեց Իտլիպ, անվտանգութեան գօտիին մէջ բախումները բացառելու ու սուրիական հիմնախնդիրի լուծման ուղղուած քաղաքական հոլովոյթը դիւրացնելու համար»:

Այս ուղղութեամբ, Թուրքիոյ նախագահ Ռեճէպ Թայիպ Էրտողան յայտնած է. «Սուրիական «ազատ բանակը», թրքական բանակին աջակցութեամբ, հետզհետէ կը յառաջանայ Իտլիպի մէջ: Անգարա Իտլիպի մէջ իր գործողութիւնները կը համակարգէ Մոսկուայի հետ. անոնց նպատակը անվտանգութեան ապահովումն է՝ Ասթանայի մէջ Իրանի եւ Ռուսիոյ միջեւ գոյացած լարուածութեան մեղմացման գօտիներու ստեղծման համաձայնութեան լոյսին տակ»:

Share.

Leave A Reply