Պատուաբեր Մասնակցութեամբ` Սուրիոյ հաւաքականը Դուրս Մնաց Համաշխարհային Խաղերէն

0


Ռուսիա 2018-ի զտման մրցումներու լրացուցիչ փուլին, Երեքշաբթի, 10 Հոկտեմբերին Սուրիոյ ֆութպոլի ազգային հաւաքականը 2 – 1 արդիւնքով պարտութեան մատնուեցաւ Սիտնիի մէջ տեղի ունեցած Աւստրալիոյ դէմ իր մրցումին: Հանդիպման 6-րդ վայրկեանին Սուրիոյ հաւաքականի յարձակողական խաղցող Օմար Սոմա կատարեց կոլերուն բացումը: Յաղթանակը շատ երկար չտեւեց. Աւստրալիոյ խմբապետ 38 տարեկան Գահիլը նշանակեց հաւասարութեան կոլը: 1 – 1 հաւասար արդիւնքը շարունակուեցաւ մինչեւ հանդիպման հիմնական ժամանակաշրջանի աւարտը եւ զոյգ կազմերը դիմեցին կէս ժամ յաւելեալ խաղարկութեան: Սուրիոյ հաւաքականի խաղարկութիւնը ազդուեցաւ երբ կարմիր քարթով դաշտէն հեռացաւ Մահմուտ Մաուաս եւ մրցումը շարունակեց նուազ կազմով: Հանդիպման 108-րդ վայրկեանին նոյն մարզիկը՝ Գահիլը կրկնապատկեց Աւստրալիոյ արդիւնքը: նախքան մրցումի ժամանակի աւարտը Օմար Սոմային հեռաւոր գնդակը դուրս մնաց մրցակիցին դարպասէն ձողին դպնալուն պատճառով եւ հանդիպումը աւարտեցաւ 2 – 1 ի նպաստ Հիւրընկալ կազմին:
Ռաֆֆի Սիւլահեան

Share.

Leave A Reply