Սուրիոյ Մէջ Ռուսական Հրաձիգ Մը Ջախջախուած Է

0

10 Հոկտեմբերին, Ռուսիոյ Պաշտպանութեան Նախարարութիւնը հաղորդեց, որ Սուրիոյ Հմէյմիմ ռազմակայանէն վերելքի պատրաստուող ռուսական «Սու.24» հրաձիգ մը շեղած է թռիչքի իր ուղիէն եւ ջախջախուած:Անձնակազմի անդամները մահացած են:
«Օդանաւը կը պատրաստուէր ուղղուիլ Տէր Զօր՝ ռազմական գործողութիւն կատարելու համար։ Անձնակազմը տեղւոյն վրայ մահացած է: Կ՛ենթադրուի որ արկածը մեքենական խանգարումի մը պատճառով եղած ըլլայ», գրուած է նախարարութեան հաղորդագրութեան մէջ:
Մասնագէտներ յայտնած են, որ ռուս երկու օդաչուները փորձառու զինուորականներ էին: Հրաձիգին սեւ սնտուկը գտնուած է: Ներկայիս դէպքին հետաքննութիւնը կը կատարուի:

Share.

Leave A Reply