«Ուրացման Ճարտարապետները»՝ «Օսքար»ի Թեկնածու Դառնալու Հաւանական Ֆիլմերու Շարքին

0

Արեւմտեան Ամերիկայի Հայ Դատի յանձնախումբին կազմակերպած խորհրդաժողովին ընթացքին Հայոց Ցեղասպանութեան մասին պատմող «Ուրացման Ճարտարապետները» վաւերագրական ֆիլմի արտադրողներէն Մոնթէլ Ուիլեըմզ յայտարարեց, որ ֆիլմը «Օսքար» մրցանակի թեկնածու դառնալու վարկաւորում ստացած է։

Արդարեւ, ֆիլմը մէկն է այն 159 վաւերագրական ֆիլմերէն, որոնք ընտրուած են աւելի քան 26,000 ֆիլմերու ցանկէն եւ հաւանականութիւնը ունին «Օսքար»ի թեկնածու դառնալու։

Տին Քէյնի եւ Մոնթէլ Ուիլեըմզի արտադրած սոյն ֆիլմին մէջ Ցեղասպանութեան մասին փաստերը կը ներկայացուին վերապրողներու եւ մասնագէտներու կողմէ, ինչպէս նաեւ լուսարձակի տակ կ՛առնուին Ցեղասպանութիւնը ուրանալու համար Անգարայի ջանքերը եւ Ցեղասպանութեան շարունակութիւնը համարուող ատրպէյճանական սպանդները։

Ֆիլմին մէջ նաեւ համեմատութիւններ կը կատարուին Հայոց Ցեղասպանութեան, Հրէական Ողջակիզման եւ անցեալի ու ներկայի զանգուածային ջարդերուն միջեւ:

Յիշեցնենք, որ ֆիլմին անդրանիկ ցուցադրութիւնը տեղի ունեցաւ ԱՄՆի մայրաքաղաք Ուաշինկթընի մէջ, իսկ ներկայիս կը ցուցադրուի Հարաւային Քալիֆորնիոյ մէջ։

Share.

Leave A Reply