Արա Բաբլոյեան Ընդունած Է Ֆրանսայի Ազգային Ժողովի Երեսփոխան Տանիէլ Ղազարեանը

0

Հայաստանի Հանրապետութեան Ազգային ժողովի նախագահ Արա Բաբլոյեան 10 Հոկտեմբերին ընդունած է Ֆրանսայի Ազգային ժողովի երեսփոխան Տանիէլ Ղազարեանը:

Ողջունելով տիկին Ղազարեանի այցելութիւնը` Արա Բաբլոյեան կարեւոր նկատած է խորհրդարանական դիւանագիտութեան դերը երկու երկիրներու յարաբերութիւններու խորացման գործին մէջ:

Հանդիպումին զրուցակիցները անդրադարձած են Հայաստանի եւ Ֆրանսայի նորընտիր օրէնսդիր մարմիններուն մէջ գործող բարեկամական խումբերու կազմին, գործունէութեան եւ յարաբերութիւններու սերտացման նպաստող փոխադարձ այցելութիւններուն:

Արա Բաբլոյեան եւ Տանիէլ Ղազարեան զրուցած են Հայաստանի համար օրակարգային նշանակութիւն ունեցող հարցերու շուրջ, կարեւոր նկատած փոխադարձ գործակցութիւնը ընկերային եւ տնտեսական մարզերուն մէջ, անդրադարձած Հայոց ցեղասպանութեան միջազգային ճանաչման ու դատապարտման եւ արցախեան տագնապի խաղաղ լուծման:

Կողմերը կարեւոր նկատած են նաեւ Հայաստան-սփիւռք համագործակցութիւնը` հայ ժողովուրդին համար կենսական հարցերու մէջ:

Share.

Leave A Reply