Աւստրալիոյ Խորհրդարանի Երկու Անդամներ Քննադատած Են Ատրպէյճանը

0

Աւստրալիոյ խորհրդարանի 2 անդամներ՝ Տեյվիտ Ֆին եւ Ճոն Ալեքսանտր, մեղադրած են Ատրպէյճանը Ղարաբաղի հակամարտութեան խաղաղ լուծման ջանքերը տապալելու մէջ։

ԱՄՆ Հայ Դատի Յանձնախումբը, կը յայտնէ, որ Տեյվիտ Ֆին, խորհրդարանին մէջ ելոյթ ունենալով, քննադատած է ծերակուտական Քոնչեթա Ֆիերաւանթի-Ուելլսի «տարածքային ամբողջականութեան» մասին այն արտայայտութիւնը, որ ունեցած էր Ատրպէյճան կատարած իր ճամբորդութենէն ետք:

Իր կարգին Ճոն Ալեքսանտր յայտնած է, որ Արցախ, ի տարբերութիւն Ատրպէյճանի, խաղաղութեան հասնելու համար պատրաստ է ընդունելու տրուած առաջարկները։

Աւստրալիոյ Հայ Դատի Յանձնախումբի տնօրէն Վաչէ Ղահրամեան երախտագիտութիւն յայտնած է պատգամաւորներուն՝ անոնց կատարած յայտարարութիւններուն համար՝ դիտել տալով, որ անոնք յատուկ կարեւորութիւն ունին Արցախի աջակցութեան իմաստով ։

Share.

Leave A Reply