ՍՈՒՐԻՈՅ ՆԱԽԱԳԱՀ ՊԱՇՇԱՐ ԱԼ ԱՍԱՏ ԸՆԴՈՒՆԵՑ ԻՐԱՆԻ ԳԵՐԱԳՈՅՆ ՀՈԳԵՒՈՐ ՊԵՏԻ ՄԻՋԱԶԳԱՅԻՆ ՀԱՐՑԵՐՈՒ ԽՈՐՀՐԴԱՏՈՒ ԱԼԻ ԱՔՊԱՐ ՈՒԻԼԱՅԷԹԻՆ

0

Չորեքշաբթի, 8 Նոյեմբեր 2017-ին, Սուրիոյ նախագահ Պաշշար ալ Ասատ ընդունեց Իրանի գերագոյն հոգեւոր պետի միջազգային հարցերու խորհրդատու Ալի Աքպար Ուալեյէթին եւ անոր ընկերակցող պատուիրակութիւնը:

Հանդիպման ընթացքին կողմերը զրուցեցին Սուրիոյ տագնապին շուրջ եւ հաստատեցին, որ ահաբեկչութեան դէմ իրենց պատերազմը պիտի շարունակուի մինչեւ Սուրիոյ ամբողջական ազատագրումը:

Ասատ եւ Ուիլայէթի հաստատեցին, որ արեւմտեան կարգ մը երկիրներու թշնամական կեցուածքը Իրանի եւ այլ երկիրներու դէմ, ինչպէս նաեւ խաղաղութիւնը խախտելու անոնց փորձերը անմիջական կապ ունին Սուրիոյ եւ Իրաքի մէջ զինեալ ահաբեկչական խմբաւորումներուն պարտութեան հետ՝շեշտելով, որ Դամասկոս եւ Թեհրան պիտի շարունակեն պայքարիլ մինչեւ որ խաղաղութիւնը վերահաստատուի ողջ տարածաշրջանին մէջ՝ միշտ նկատի ունենալով երկու երկիրներու ժողովուրդներուն շահերը:

Իր կարգին նախագահ Ասատ շեշտեց, որ սուրիական բանակն ու անոր դաշնակից ուժերը ոչ միայն կը պատերազմին զինեալ ահաբեկչական խմբաւորումներուն դէմ, այլ իրենց երկիրներու քայքայման եւ տկարացման իւրաքանչիւր փորձի դէմ՝աւելցնելով, որ զինեալ խմբաւորումներուն դէմ արձանագրուած յաղթանակները ձախողութեան մատնեցին ահաբեկչութիւնը հովանաւորող երկիրներուն ծրագիրները:

Share.

Leave A Reply