ՎԱՆԱՅ ԼԻՃԻՆ ՅԱՏԱԿԸ 3000 ՏԱՐՈՒԱՆ ԱՄՐՈՑ ՄԸ  ՅԱՅՏՆԱԲԵՐՈՒԱԾ Է

0

Թրքական «Միլլիէթ» պարբերականը կը տեղեկացնէ, որ այժմեան Թուրքիոյ տարածքը գտնուող Վանայ լիճին յատակը շուրջ 3000 տարուան պատմութիւն ունեցող պատմական ամրոց մը յայտնաբերուած է:

Վանի «Եուզունճու Եըլ» համալսարանի ջրային հետազօտութիւններու բաժնի դասախօս, փրօֆ. Մուսթաֆա Աքքուշ լրագրողներու հետ զրոյցի մը ընթացքին յայտնած է, որ յայտնաբերուած ամրոցը կը պատկանի ուրարտական ժամանակաշրջանին:

Ըստ թուրք փրօֆեսօրին՝ շուրջ 600 000 տարուան պատմութիւն ունեցող Վանայ լիճի մակարդակը պատմական որոշակի ժամանակաշրջանին իջած է, որուն արդիւնքով մարդիկ ջուրի ափին հաստատուելով, այնտեղ կառուցած են զանազան շինութիւններ: Սակայն աւելի ուշ, երբ ջուրին մակարդակը կրկին բարձրացած է, բնակչութիւնը կրկին ետ քաշուած է, իսկ անոր ձգած քաղաքակրթական հետքը մնացած է ջուրին յատակը:

Ան ըսած է նաեւ, որ Վանայ լիճին ջուրին աղի ըլլալուն պատճառով ամրոցի պատերը լաւապէս պապհպանուած են ջուրին յատակ եւ բոլորովին չեն վնասուած:

Յայտնենք, որ աւելի ուշ Վանայ լիճին յատակին «Աղթամարի բեռնատար» անունով նաւ մը յայտնաբերուած էր: Ծանօթ է, որ նաւը ռուսերու կողմէ պատուիրուած է 1915-ին եւ կառուցուած այն շրջանին ռուսական կայսրութեան սահմաններուն մէջ գտնուող պատմական հայկական Արճեշի շրջանի նաւաշինարարներու կողմէն: Ռուսական զօրքերու ետ քաշուելէն ետք, նաւը օգտագործած են թուրքերը, եւ 1958 նաւը ծառայած է որպէս բեռնափոխադրումի միջոց:

Share.

Leave A Reply