ՖՐԱՆՍԱՅԻ ՀԱՅ ԴԱՏԻ ՅԱՆՁՆԱԽՈՒՄԲԸ Կ՛ՈՂՋՈՒՆԷ ՖՐԱՆՍԱՑԻ ԼՐԱԳՐՈՂՆԵՐՈՒՆ ԴԷՄ ԱՏՐՊԷՅՃԱՆԻ ՅԱՐՈՒՑԱԾ ԴԱՏԱԿԱՆ ՀԱՅՑԻ ԱՆԸՆԴՈՒՆԵԼԻ ՆԿԱՏՈՒԻԼԸ

0

Ֆրանսայի Հայ Դատի Յանձնախումբը հաղորդագրութիւն մը հրապարակելով ողջունեց, որ Նանթէրի դատարանը անընդունելի նկատած է ֆրանսացի լրագրողներ Էլիզ Լուսէթի եւ Լորան Ռիշարի, ինչպէս նաեւ «Ֆրանս Թելեվիզիոն»-ի դէմ յարուցուած դատական հայցը:

«Ֆրանսական արդարադատութիւնը կը հաստատէ, որ բռնատիրական պետութիւն մը չի կրնար ֆրանսական հողի վրայ անուանարկութեամբ զբաղիլ», նշուած է հաղորդագրութեան մէջ:

Ֆրանսայի Հայ Դատի Յանձնախումբի նախագահ Յարութ Մարտիրոսեան յայտարարած է. «Ատրպէյճանը բռնատիրութիւն մըն է, եւ ատիկա ո՛չ միայն կրնանք ըսել, այլ նաեւ յայտարարել, հաստատել ու ըսել առանց ենթարկուելու պարոն Ալիեւի բռնաճնշումին»:

«Անոնք, որոնք, ինչպէս Նիսի արդարադատութեան կաճառին մէջ կամ կարգ մը տնտեսաքաղաքական շրջանակներու մէջ կը շարունակեն զօրակցիլ այս բռնատիրութեան, այժմ իրենց հաւաստիութիւնն ու խիղճերը գրաւի կը դնեն», եզրակացուցած է ան:

Share.

Leave A Reply