ԱՐԱՄ Ա. ԿԱԹՈՂԻԿՈՍԸ ԸՆԴՈՒՆԱԾ Է ՀՄԸՄ-Ի ԿԵԴՐՈՆԱԿԱՆ ՎԱՐՉՈՒԹԻՒՆԸ

0

11 Նոյեմբեrի առաւօտեան, Արամ Ա. վեհափառ հայրապետը իր գրասենեակին մէջ ընդունեց ՀՄԸՄ-ի Կեդրոնական Վարչութեան պատուիրակութիւնը` գլխաւորութեամբ Կեդրոնական Վարչութեան ատենապետ Գառնիկ Մկրտիչեանին: Կեդրոնական Վարչութիւնը եկած էր շնորհակալութիւն յայտնելու Մեծի Տանն Կիլիկիոյ կաթողիկոսութեան ցուցաբերած երկարամեայ աջակցութեան ու վստահութեան, ինչպէս նաեւ զեկուցելու ՀՄԸՄ-ի 100-ամեակին առնչուած յառաջիկայ ծրագիրներուն մասին` խնդրելով վեհափառ հայրապետին օրհնութիւնն ու հովանաւորութիւնը:

Վեհափառ հայրապետը բարձր գնահատեց մէկ դարեայ գործունէութիւն ծաւալած միութեան երթը` շեշտելով, որ ՀՄԸՄ ոչ միայն մարմնակրթական միութիւն մըն է, այլեւ սփիւռքեան իրականութեան մէջ հայկական ինքնութիւնը ամրապնդող կառոյց:

Աւարտին ՀՄԸՄ-ի Կեդրոնական Վարչութիւնը Արամ Ա. կաթողիկոսին յանձնեց Համա-ՀՄԸՄ-ական 10-րդ մարզախաղերուն յուշանուէրը:

Share.

Leave A Reply