ՊԱՔՈՒ ՉԷ ԸՆԴՈՒՆԱԾ ՌՈՒՍԻՈՅ ՆՈՐ ԴԵՍՊԱՆԻՆ ԹԵԿՆԱԾՈՒԹԻՒՆԸ` ԱՆՈՐ ՀԱՅԱՄԷՏ ԴԻՐՔՈՐՈՇՈՒՄԻՆ ՊԱՏՃԱՌՈՎ

0

Ատրպէյճանական լրատուամիջոցները` վկայակոչելով Ռուսիոյ արտաքին գործոց նախարարութենէն աղբիւրները կը յայտնեն, որ Ռուսիոյ Արտաքին Գործոց Նախարարութիւնը տակաւին չէ ստացած Ատրպէյճանի համաձայնութիւնը Կէորկի Զույէւ այդ երկրին մէջ Ռուսիոյ նոր դեսպան նշանակելու առնչութեամբ:

Դիւանագիտական յարաբերութիւններու կանոններուն համաձայն, դեսպանին նշանակումէն առաջ ընդունող կողմը կու տայ իր համաձայնութիւնը հաւատարմագիրներու յանձնումին համար:

Ատրպէյճան մերժած է Կէորկի Զույէւ դեսպան նշանակելու նախնական համաձայնութիւնը` անոր «վառ արտայայտուած հայամէտ դիրքորոշումին» պատճառով:

Նախապէս յայտնի դարձած էր, որ Ռուսիոյ նախագահ Վլատիմիր Փութին մէկ օր առաջ տուն կանչած է Ատրպէյճանի մէջ Ռուսիոյ դեսպան Վլատիմիր Տորոխին:

Ատրպէյճանի մէջ իբրեւ Ռուսիոյ դեսպան Կէորկի Զույէւի թեկնածութիւնը արդէն հաստատուած էր Տումայի Անկախ պետութիւններու հասարակապետութեան հարցերով յանձնախումբին կողմէ:

Share.

Leave A Reply