ՃԵԶԻՐԷԻ ՀԱՅՈՑ ԱՌԱՋՆՈՐԴԱԿԱՆ ՓՈԽԱՆՈՐԴԸ ՀԱՍԻՉԷ ԱՅՑԵԼԵՑ

0

Ուրբաթ, 24 Նոյեմբեր 2017-ի առաւօտեան, Ճեզիրէի Հայոց Առաջնորդական Փոխանորդ Հոգշ. Տէր Ռուբէն Աբղ. Նալպանտեան, Արժ. Տէր Պսակ Քհնյ. Պէրպէրեանի, պատկան մարմնին, թաղականութեան, ազգային եւ միութենական մարմիններու ներկայացուցիչներուն ընկերակցութեամբ այցելութիւն տուաւ Հասիչէի հայ գաղութին, ուր ջերմօրէն դիմաւորուեցաւ տեղւոյն թաղականութեան, դպրոցի տնօրէնութեան, ուսուցչական կազմին եւ աշակերտութեան կողմէ։

Այնուհետեւ Հասիչէի Ս.Յովհաննու Կարապետ եկեղեցւոյ մէջ հոգշ. հայր սուրբին գլխաւորութեամբ Ս. եւ Անմահ Պատարագ Մատուցուեցաւ։ Աւարտին հայր սուրբը եւ զինք ընկերակցող պատուիրակութիւնը ազգային վարժարան այցելեցին՝ մօտէն հետեւելու վարժարանէն ներս ուսման ընթացքին եւ իրազեկ դառնալու դժուարութիւններուն։ Անոնք այցելեցին նաեւ Ճեզիրէի Ասորի Ուղղափառ Եկեղեցւոյ Առաջնորդ Մար Մորիս Ամսիհին եւ Ասորի Արեւելեան Եկեղեցւոյ Առաջնորդ Աֆրամ Ասնիլին։

Share.

Leave A Reply