ՏԻ ՄԻՍԹՈՒՐԱ. «ԱՆՀՐԱԺԵՇՏ Է ՈՐ «ԺԸՆԵՒ-8»Ի ԲԱՆԱԿՑՈՒԹԻՒՆՆԵՐԸ ԱՌԱՆՑ ՆԱԽԱՊԱՅՄԱՆՆԵՐՈՒ ԸՆԹԱՆԱՆ»

0

ՄԱԿ-ի Սուրիոյ բանագնաց Սթեֆան տի Միսթուրա վերստին շեշտեց, որ «Ժընեւ-8»ի միջսուրիական երկխօսութիւնը պէտք է առանց նախապայմաններու ընթանայ:

Տի Միսթուրայի խօսքը տեսերիզով մը ցուցադրուեցաւ ՄԱԿ-ի Միջազգային Անվտանգութեան Խորհուրդի նիստին, ուր ան ըսաւ. «Պիտի ջանանք լուրջ բանակցութիւններու ձեռնարկել եւ որեւէ կողմէ նախապայմաններ պիտի չընդունինք: Մենք կարիքը ունինք միասնական ու մէկ դիրքորոշում ունեցող ընդդիմութեան, որպէսզի ան պատրաստ ըլլայ ՄԱԿ-ի Անվտանգութեան Խորհուրդի 2254  օրէնքին համաձայն, առանց նախապայմաններու մասնակցելու «Ժընեւ-8»ի բանակցութիւններուն»:

Տի Միսթուրա դիտել տուաւ, որ Ժընեւի բանակցութիւններուն ընթացքին պիտի քննարկուին Սուրիոյ ներկայ սահմանադրութեան, ընտրութիւններուն, ահաբեկչութեան դէմ պայքարին եւ երկրի ղեկավարման առնչուող հարցեր:

 

Share.

Leave A Reply