ՓԱՅԼԱՆԻ ԱՆՁԵՌՆՄԽԵԼԻՈՒԹԻՒՆԸ ԽԼԵԼՈՒ ՄԱՍԻՆ ՆՈՐ ՊԱՀԱՆՋ ՉԿԱՅ

0

Թուրքիոյ քրտամէտ Ժողովուրդներու Ժողովրդավարական Կուսակցութենէն հայազգի երեսփոխան Կարօ Փայլանի մամլոյ բանբեր Թամար Նալճը` հերքելով մամուլին մէջ տարածուած լուրերը տեղեկացուց, որ Թուրքիոյ գլխաւոր դատախազութենէն երեսփոխանին անձեռնմխելիութիւնը խլելու մասին նոր պահանջ չկայ:

Նախապէս, թրքական «Թ-24» կայքը գրած էր, որ դատախազութիւնը խորհրդարանի 2 ընդդիմադիր կուսակցութիւններէն շարք մը երեսփոխաններու վերաբերեալ անձեռնմխելիութիւն խլելու 121 դիմում յղած է արդարադատութեան նախարարութեան եւ խորհրդարանի ղեկավարութեան:

Նալճը յայտնեց, որ այս դիմումներուն մէջ Փայլանի անունը չկայ. թէեւ նախապէս Փայլանի անձեռնմխելիութիւնը խլելու մասին երեք տարբեր պահանջ ներկայացուած էր, սակայն անոնք տակաւին չեն հաստատուած:

Share.

Leave A Reply

This site uses Akismet to reduce spam. Learn how your comment data is processed.